Mendjes që pushon te ti, ti i ruan një paqe të përsosur, sepse kjo ka besim te ti. ISAIA 26:3
Jezusi kishte një miqësi të vazhdueshme me Atin e Tij qiellor sepse Ai ishte i fokusuar në Perëndinë. Është e mundur të kemi miqësi të plotë me dikë vetëm kur mendja juaj është mbi atë individ. Ky është një mësim që mund ta mësojmë ne si besimtarë. Në mënyrë që të jetojmë në marrëdhënie të ngushtë me Perëndinë, është e rëndësishme që ne të jetojmë “duke pasur Perëndinë në mendje”.
Është jashtëzakonisht shumë lartësuese të mendosh mbi mirësinë e Perëndisë dhe të gjitha veprat e mrekullueshme që Ai ka bërë. Nëse ju dëshironi të përjetoni fitore, merrni kohë të meditoni rregullisht në madhështinë e pakrahasueshme të Perëndisë. Falënderimi ndaj Zotit dhe të qenit i vetëdijshëm për mirësinë e Tij janë dy mënyra të sigurta për të filluar të shijoni jetën.
Jezusi tha që Fryma e Shenjtë do të na sjellë në miqësi të ngushtë me të (Gjoni 16:7). Nëse zgjedhim të mendojmë për Zotin, kjo do ta sjellë Atë në krye të jetës sonë dhe do të fillojmë të gëzojmë një miqësi me Të që sjell gëzim, paqe dhe fitore në jetën tonë të përditshme.
Perëndia është gjithmonë me ne, por është e rëndësishme që ne të mendojmë për Të dhe të jemi të vetëdijshëm për prezencën e Tij.