Linda moyo wako kuliko yote uyalindayo; Maana ndiko zitokako chemchemi za uzima. —Mithali 4:23
Methali 4:23 inasema uulinde moyo wako kwa sababu hiyo huamua maisha yako. Fikiria kuhusu hilo. Chochote kilicho ndani ya moyo wako hatimaye kinajionyesha katika maisha yako ya kila siku. Chochote kilicho ndani ndani hatimaye hudhihirika, ambapo kila mtu anaweza kuiona.
Hiyo peke yake inafanya kuwa muhimu sana kufuatilia mambo tunayo ruhusu kuunda mioyo yetu. Sitaki kitu kibaya, dhambi, na ubinafsi kujitokeza nje na kuharibu mahusiano yangu na wengine, na mimi nina shaka hutaki hivyo.
Sehemu kubwa ya kulinda moyo wako ina maana kujifunza jinsi ya kudhibiti mawazo yako, maneno yako, tabia yako na maoni yako ya jumla. Kile unacgofikiri kawaida hutokana katika kile unachosema. Kile unachosema huathiri jinsi unavyohisi, na hilo linaonyesha katika hali yako yote.
Katika kipindi cha maisha ya kila siku, hii ndio inayoamua jinsi unavyoweza kushughulikia hali yako-ikiwa utaweza kuwa na amani au kuanguka mbali katika hali ya shida. Inatawala jinsi unavyowajibu wengine, kwa huruma na kuelewa au kwa hukumu na kiburi-hasa unapokosa kukubaliana nao!
Unaweza kujaribu kuweka mawazo yako yasibadilishe maneno na mitazamo yako, lakini ninaona ni rahisi kuwa na mawazo ya kimungu kwanza. Kuwa na muda na Mungu, na uruhusu Roho Mtakatifu kujaza moyo wako na wema wake.
Ombi La Kuanza Siku
Bwana, ninataka tu moyo wangu kujazwa na mawazo na tamaa ambazo ziko kwako. Kama ninatumia muda mwingi katika uwepo wako na kukuzingatia Wewe pekee, najua kwamba moyo wangu utabadilika vizuri, utaathiri maisha yote katika njia za kimungu.