Acheni, mjue ya kuwa Mimi ni Mungu, Nitakuzwa katika mataifa, nitakuzwa katika nchi. Zaburi 46:10
Moja ya mambo muhimu zaidi tunaweza kujifunza katika ulimwengu wetu leo ni jinsi ya kuwa watulivu.
Ninaamini kuwa mojawapo ya sababu muhimu sana wengi wetu tunachoshwa na kutamaushwa ni kwa sababu hatujui jinsi ya kuwa na utulivu. Kwa kutumia muda kumjua Yeye tunajifunza kusikia sauti yake tulivu na ndogo ili aweze kuongoza njia zetu.
Tunahitaji kujifunza kuwa na utulivu wa ndani na kukaa katika hali hiyo ya amani ili tuwe tayari kusikia sauti ya Bwana. Watu wengi leo hukimbia kutoka jambo moja hadi lingine. Kwa sababu akili zao hazijui jinsi ya kuwa na utulivu, hawajui jinsi ya kuwa watulivu katika mioyo yao.
Ikiwa tunapunguza tu mwendo, na kutuliza akili zetu vya kutosha kusikia uongozi wa Roho Mtakatifu, tunaweza kuwa mahali pa amani, na tayari kuenenda kwa utiifu.
Ni rahisi kuona kwamba kuishi maisha ya amani na furaha, bila ya uchovu na kukataa tamaa, sio ngumu wakati tu tunabakia mbele ya Mungu.
OMBI LA KUANZA SIKU
Bwana, najua kwamba wewe peke yako ndiwe Mungu. Najua kuwa mtulivu mbele yako ni muhimu, basi nionyeshe jinsi ya kubaki ndani na utulivu wa ndani, daima tayari kusikia sauti yako.