Upitapo katika maji mengi nitakuwa pamoja nawe; na katika mito haitakugharikisha, uendapo katika moto hutateketea wala mwali wa moto hautakuunguza. ISAYA 43:2
Tutapitia katika hali za kujaribu katika maisha, zingine ngumu kuliko zingine. Mara nyingi, tunafikiria msemo “ninapitia kitu,” ni habari mbaya, lakini tukiuangalia vizuri, tunagundua kupitia ni kuzuri; ina maana hatujakwama! Huenda ikawa tunakabiliwa na matatizo, lakini tunaweza kushukuru kwamba angalau tunasonga mbele.
Tutakabili mambo tofauti, lakini hivyo vitu tunavyopitia ndivyo hali na changamoto ambazo hutujenga sisi watu ambao tunajua kushinda matatizo. Hatukui wala kuwa wenye nguvu katika nyakati nzuri za maisha; tunakua tunapochuchumilia kwenye matatizo bila kukata tamaa. Tunapofanya tunachojua ni sawa, hata kama ni kigumu, hakifurahishi kukifanya, au hali inapokuwa haifai, tunakua kiroho na kuimarishwa.
Sala ya Shukrani
Ninashukuru, Baba, kwamba hata kama nyakati ni ngumu, ninaweza kukutegemea ili unipitishe katika hali hizo. Ninashukuru kwamba ninaweza kukabiliana na changamoto yoyote kwa sababu uko nami.