Ajifanyiae rafiki wengi ni kwa uangamivu wake mwenyewe; lakini yuko rafiki aambatanaye na mtu kuliko ndugu. MITHALI 18:24
Tunaweza kuwapenda watu wote, lakini hatuwezi kuwa rafiki wa karibu wa watu wote. Watu ambao wanakukasirikia kwa kuwa unataka kuendelea na Mungu mara nyingi ni wale ambao hawataki kuendelea naye wao wenyewe. Chagua kujenga uhusiano mpya na Wakristo wengine walio na maadili sawa na uliyo nayo. Mwaaminiye mkomavu ndani ya Kristo anaweza kukusaidia kufikia viwango vipya vya ukomavu, lakini huenda Mwaminiye wa kimwili akatumiwa kama jaribio la kukufanya ulegeze imani yako.
Mungu ni mwaminifu katika maeneo yote, shukuru kwamba tunaweza kumwomba atupatie marafiki ambao wataongeza thamani katika maisha yetu badala ya kuiondoa. Shukuru kila mara kwa marafiki wazuri, kwa sababu kwa kweli ni kipaji kutoka kwa Mungu.
Sala ya Shukrani
Baba, ninapojipata nikihisi upweke, nisaidie kukumbuka kwamba utanipa watu katika maisha yangu ambao watakuwa himizo kwangu. Ninakushukuru kwamba unanipa kila ninachohitaji, wakiwemo marafiki.