Hata imekuwa, mtu akiwa ndani ya Kristo amekuwa kiumbe kipya; ya kale yamepita tazama! Yamekuwa mapya. 2 Wakorintho 5:17
Nimefanya makosa katika maisha yangu-na nina hakika nitafanya makosa katika siku zijazo-lakini bado ninajipenda. Ukweli ni kwamba, sifanya kila kitu sawa wakati wote, lakini hiyo haiathiri asili yangu katika Kristo. Najua ninapendwa na mimi bado ni mtu mzuri. Hiyo ni kwa sababu kuwa kiumbe kipya ndani ya Kristo, nimejifunza kutenganisha “asili yangu” kutoka kwa “matendo yangu”. Unapotambua kwamba kile “unachofanya” hakiamui “asili yako”, unaweza kupata kiwango kipya cha uhuru kutoka kwa aibu. Unapojua kwamba Mungu anakupenda, unaweza kuanza kujipenda mwenyewe kwa njia nzuri, yenye usawa. Unapoanza kujipenda mwenyewe, watu wengine wataanza kukupenda pia. Kujipenda haimaanishi kuwa umejaa kiburi; inamaanisha kujikubali mwenyewe kama mtu ambaye Mungu alikuumba kuwa.
Sisi sote tunahitaji mabadiliko katika tabia zetu, lakini kujikubali wenyewe kama uumbaji wa Mungu ni muhimu kwa maendeleo yetu kwa kuwa na afya ya kihisia na kamili ndani ya Kristo.
Ikiwa tunaweza kufahamu jambo hili moja tu-kujipenda sisi wenyewe-litafanya kazi ya ajabu katika kutusaidia kushinda asili ya kujionea aibu
Ombi la kuanza siku
Roho Mtakatifu, nisaidie kutenganisha “kufanya” kwangu kutoka kwa “asili” yangu. Ninaweza kujipenda mwenyewe na kupata uhuru kutoka kwa aibu kwa sababu unanipenda na unafanya kazi kwa kila siku katika maisha yangu.
Maelezo katika mpango huu wa kusoma yametolewa katika kitabu cha Ahadi za kila siku ya maisha yako kilichoandikwa na Joyce Meyer na kuchapishwa na Bello Publications. Hati zote zimehifadhiwa. Kitabu chote chapatikana hapa