Փոխե՛ք ձեր մտածելակերպը վախի վերաբերյալ

Փոխե՛ք ձեր մտածելակերպը վախի վերաբերյալ

«Մի՛ վախեցիր, որովհետև Ես քեզ հետ եմ, մի՛ վեհերիր, որովհետև Ես քո Աստվածն եմ. Ես զորացրել եմ քեզ, նաև օգնել եմ քեզ, նաև քեզ հաստատել եմ Իմ արդարության աջով»: ԵՍԱՅԻ 41.10

Աստծո օգնությամբ դուք կարող եք վախից կծկվելու փոխարեն հաղթահարել վախը, եթե փոխեք ձեր մտածելակերպը: Աստվածաշունչը խոսում է մտքի նորոգության մասին (տե՛ս Հռոմ. 12.2): Պարզ ասած՝ մենք կարող ենք սովորել մտածել այլ կերպ: Անցյալի փորձառությունները կամ մարդիկ գուցե սովորեցրել են ձեզ վախենալ, բայց Աստծո Խոսքը սովորեցնում է հաղթահարել այդ վախը: Դուք կարող եք սովորել լինել համարձակ, քաջ և վստահ:

Թույլ մի՛ տվեք, որ ինչ-որ բանի վախը առօրյայում խանգարի ձեր հաջողությանը և ուրախությանը: Վախն ունի լայն ստվեր, բայց այն ինքնին շատ փոքր է: Վախն անհարկի տանջանք է բերում ձեր կյանքում: Երբ վախենում եք, չպետք է հանձնվել կամ հետ շրջվել: Աստված ձեզ հետ է, և քանի որ Նա ձեզ հետ է, նույնիսկ վախի զգացումով դուք կարող եք անել այն, ինչ պետք է անեք:

Փոխանակ մտածելու, որ չեք կարող ինչ-որ բան անել, երբ վախենում եք, վճռե՛ք, որ հետամուտ կլինեք ձեր նպատակին և կհաղթահարեք ձեր առջև դրված մարտահրավերը: Հնարավոր է՝ ունենաք վախի մտքեր, բայց Սուրբ Հոգին, որ ձեր մեջ է, կարող է փոխել ձեր մտածելակերպը վախի վերաբերյալ: Վախը նման է հրեշի, բայց այն արագ ընկրկում է, երբ բախվում է Աստծո Խոսքի ճշմարտությանը: Վախը նման է դպրոցական կռվարարի. այն բոլորին այս ու այն կողմ է հրում, մինչև որ ինչ-որ մեկը վերջապես մարտահրավեր է նետում նրան:


Երբ վախենում ենք, որ կտանջվենք, արդեն տանջվում ենք այն բանից, ինչից վախենում ենք:

Facebook icon Twitter icon Instagram icon Pinterest icon Google+ icon YouTube icon LinkedIn icon Contact icon