Tuje mbele zake kwa shukrani, tumfanyie shangwe kwa zaburi. ZABURI 95:2
Kutoa shukrani sio tu siku ya kula bata mzinga na pai ya matango, vile tunavyofanya Marekani. Ni siku ambayo mwanzoni ilitengwa kando kukumbuka na kutoa shukrani kwa kile ambacho Mungu alikuwa amefanya katika kuwalinda wanaume na wanawake wa kwanza waliokuja Marekani wakitoroka mateso ya kidini bara Uropa. Ilikuwa aina ya sherehe ya mavuno kama ile ambayo Wayahudi walisherehekea; siku ya kutoa shukrani kwa mavuno waliyoweza kuvuna.
Licha ya kushukuru Mungu tunapoendelea na shughuli zetu za kila siku, ni wazo zuri kutenga kando nyakati maalum za shukrani na kutoa shukrani. Wakati mwingine familia yetu hukaa pamoja na kukumbuka mahali Mungu ametutoa, na kumshukuru kwa yote aliyoyafanya. Mimi na Dave huongea kuhusu maisha yetu wakati ambao watoto wetu wote walikuwa wadogo na tuliishi katika nyumba ya vyumba vitatu, tulikuwa tukiuza chupa za soda ili tujikimu hadi siku tutakayopata mshahara. Nina hakika unaweza kukumbuka nyakati zinazofanana na hizo tulizokuwa nazo, na kuzikumbuka hutufanya tuwe wenye shukrani kuhusu vile Mungu alitupitisha hapo, na kwa hatua zote tulizopiga kwa sababu ya wema wake.
Sala ya Shukrani
Baba, nisaidie kutambua kwamba kutoa shukrani ni zaidi ya siku kwenye kalenda. Ninashukuru kwa yote uliyoyafanya katika maisha yangu, sio tu leo, lakini kila siku ya mwaka.