Prandaj tani që më ke me sy të mirë, më bëj të njohura rrugët e tua, që të kem mundësi të të njoh [në mënyrë progresive të njoh më thellë dhe më afër] dhe të fitoj hir në sytë e tu. Merr parasysh, gjithashtu, se ky komb është populli yt». (EKSODI 33:13)
Kur ti kalon kohë me Perëndinë, kjo bëhet e dukshme. Ti bëhesh më i qetë, me ty është më lehtë të kuptohesh, je më i gëzuar, dhe mbetesh i qëndrueshëm në çdo situatë. Të kalosh kohë cilësore me Perëndinë është një investim që sjell përfitime të mëdha. Ti fillon të kuptosh çfarë pëlqen Ai dhe çfarë e ofendon Atë. Ashtu si me çdo mik, sa më shumë kalon kohë me Perëndinë, aq më shumë bëhesh i ngjashëm me Të.
Të kalosh kohë me Perëndinë të bën ty më të ndjeshëm ndaj dashurisë që Ai të demonstron ty dhe të tjerëve. Ndërgjegjja jote të paralajmëron kur je duke biseduar me dikë në një mënyrë që nuk i pëlqen Atij. Zemra jote pikëllohet kur Ai pikëllohet dhe ti lutesh menjëherë, “Oh, Perëndi, më vjen keq.” Menjëherë dëshiron të kërkosh falje për personin që ke ofenduar dhe zbulon se të thuash: “Më vjen keq. Nuk doja të të lëndoja ”, nuk është aq e vështirë në fund të fundit.
Kur Perëndia i tha Moisiut se kishte gjetur hir në sytë e Tij ( shikoni Eksodi 33:12), Moisiu e kuptoi që Perëndia po i thoshte atij se mund të kërkonte çdo gjë zemra e tij dëshironte.
Moisiu u përgjigj duke thënë që ai thjesht dëshironte të takohej në mënyrë akoma më të ngushtë me Perëndinë. Moisiu e kishte parë Perëndinë të kryente mrekullitë më madhështore të historisë, dhe mbi gjithçka dëshironte ta njihte Perëndinë në mënyrë intime.
Unë lutem që njohja e Perëndisë të jetë dëshira e zemrës tënde. Ti mund ta njohësh Atë dhe të dëgjosh qartë zërin e tij sa më ngushtë të duash. Gjithçka që duhet të bësh është të kalosh kohë me të.
FJALA E PERËNDISË PËR SOT: Perëndia nuk ka të preferuar, por ai ka të besuar.