Maana Neno la Mungu li hai, tena lina nguvu, tena lina ukali kuliko upanga uwao wote ukatao kuwili, tena li jepesi kuyatambua mawazo na makusudi ya moyo. Waebrania 4:12
Watu wanaponiuliza ni wapi wataanza kuisoma Biblia, nawaambia hakika hakuna nafasi mbaya ya kuanzia. Unaweza kusoma chochote kinachokusaidia.
Nilipoanza kujifunza Neno, sikuwa na mahusiano mazuri kwa sababu sikuwa na ufahamu wa upendo. Kwa hiyo nilisoma kuhusu upendo, na nilijifunza kuwa sio tu hisia ya kujichangamsha. Ni uamuzi unaofanya kuhusu jinsi utakavyowatendea watu.
Kwa kujifunza kile Biblia inasema kuhusu upendo, nilijifunza jinsi ya kupenda. Kisha maisha yangu yakaanza kubadilika.
Chochote unachohusika nacho, unaweza kupata maandiko kuhusu hilo kwa kutumia maktaba. Kwa mfano, ikiwa unakabiliwa na hasira au hofu, angalia kwa maktaba nyuma ya Biblia yako na kupata maneno hayo ili kuona maandiko yanazungumza nini juu ya masuala hayo.
Muulize Roho Mtakatifu akuongoze na kukufunulia ukweli. Haijalishi unapoanzia, kumbuka kwamba Neno liko hai na Mungu anataka kusema na moyo wako leo!
OMBI LA KUANZA SIKU
Bwana, najua unataka kuzungumza na mimi. Nisaidie kupata hekima na nguvu ninazohitaji katika Neno lako leo.