…”Kur të shihni Arkën e Besëlidhjes të Zotit, Perëndisë tuaj, të mbajtur nga priftërinjtë levitë, do të niseni nga vendi juaj dhe do ta ndiqni.” – Jozueu 3:3
A po përballeni me mundësi të reja tani? Çfarëdo qofshin këto mundësi, është e rëndësishme të “ndiqni arkën.” Çfarë dua të them me këtë? Ndonjëherë mund të ngecim në situatat e vjetra dhe të rëndomta, thjesht sepse janë familjare për ne dhe thjesht kemi frikë të kalojmë në një territor të panjohur. Por ka edhe ditë kur ne mund të ndjejmë diçka të re përpara nesh dhe duam ta fillojmë menjëherë, përpara se të jetë koha e Perëndisë për ne.
Në librin e Jozueut 3:3, Perëndia i flet Izraelit për të ndjekur arkën e besëlidhjes. Arka përfaqëson vajosjen e Perëndisë…praninë e Perëndisë…vullnetin e Perëndisë. Është shumë e rëndësishme për ne që të mësojmë të ndjekim vullnetin e Perëndisë dhe jo tonin apo të të tjerëve.
Perëndia ka një plan për ne dhe e vetmja mënyrë për ta parë këtë plan në zbatim është duke ndjekur arkën, apo vullnetin e Perëndisë dhe jo mishin tonë, njerëzit e tjerë apo emocionet tona.
Mbani mend që çfarëdo qoftë plani i Perëndisë për jetën tuaj, Ai do të sigurojë rrugën për ta përmbushur.
Lutje
Perëndi, ashtu si Izraelitët, unë e di që kam nevojë “të ndjek arkën.” Nuk ka rëndësi koha ime për mundësitë e reja…vetëm vullneti Yt ka rëndësi. Ndërsa të ndjek Ty, e di që Ti do të bësh një rrugë për të realizuar planin Tënd.