Gjithçka, pra, që ju doni t’ju bëjnë njerëzit, kështu ua bëni edhe ju atyre, sepse ky është ligji dhe profetët. – Mateu 7:12
Perëndia ka shumë bekime që kërkon t’i derdhë në jetët tona, por ka edhe shumë bekime që ne nuk arrijmë t’i shohim për shkak se dështojmë t’u bëjmë të tjerëve atë që do të donim të na e bënin neve. Ne duam të bekohemi nga të tjerët, por a e marrim ne hapin e parë për t’i bekuar ata?
Nëse martesa juaj, familja, apo miqtë nuk janë kush ju do të donit të ishin, ju mund të ndihmoni në ndryshimin e tyre duke zbatuar këtë parim.
Ndoshta po prisni për bashkëshortin/ten tuaj të bëjë diçka për ju. Ose ndoshta me kokfortësi keni refuzuar të ndihmoni një mik për shkak se doni që ai t’ju ndihmojë i pari. Të jetoni në këtë mënyrë, mund të duket egoiste dhe e rehatshme, por gjërat nuk do të ndryshojnë derisa ju të vendosni t’i ndryshoni. Është koha për të përulur veten dhe të shpëtoni marrëdhëniet tuaja.
Në vend që të përqëndroheni tek vetja, duke pritur për bekimet që t’ju vijnë, zgjidhni të bëni sakrifica dhe t’u shërbeni njerëzve që Perëndia ka vendosur në jetën tuaj. Jini shërbëtorë dhe bëjeni qëllimin tuaj të bekoni të tjerët.
Në vend që të ndiheni të refuzuar dhe të injoruar, do të mahniteni se si marrëdhëniet tuaja do të përmirësohen kur i trajtoni të tjerët në mënyrën që doni t’ju trajtojnë juve.
Lutje
Perëndi, unë nuk fitoj asgjë duke jetuar në egoizëm. Në vend që të pres të mirën nga njerëzit, do t’u bëj unë të mirë në fillim, duke i trajtuar ata në mënyrën që dua të më trajtojnë mua.