Le të mos kërkojmë lavdi të kotë, duke provokuar njëri-tjetrin dhe duke pasur smirë njëri-tjetrin. (GALATASVE 5:26)
Marrëdhënia e çdo personi me Perëndinë dhe aftësia për të dëgjuar zërin e Tij është e ndryshme, ndaj ndihuni të lirë të kërkoni komunikimin me Të në ato mënyra që Perëndia po ju drejton. Një marrëdhënie me Perëndinë nuk ka të bëjë me punën, përpjekjet ose performimin; është thjesht të flasësh me Të dhe të dëgjosh zërin e Tij. Ne nuk kemi nevojë të përpiqemi të jemi aty ku është dikush tjetër ose të dëgjojmë Zotin me qartësinë dhe saktësinë e dikujt tjetër, sepse ai person mund të gëzojë një marrëdhënie me Zotin që ka marrë vite praktikë dhe ne mund të mos jemi aq të avancuar në marrëdhënien tonë me Zotin siç është ai person. Është në rregull që ne të jemi “më të rinj” se të tjerët frymërisht; Zoti ende na dëgjon dhe na përgjigjet, pavarësisht nga shkalla e përvojës sonë. Krahasimi i vetes me të tjerët vetëm na bën të pakënaqur. Zoti është i lumtur thjesht sepse ne po mësojmë dhe po rritemi.
Të krahasosh veten me të tjerët do të pengojë rritjen tënde frymërore. Perëndia të njeh ty personalisht dhe Ai ka një plan të personalizuar për përparimin tënd. Ai e njeh të shkuarën tënde, çfarë ke përjetuar, zhgënjimet e tua, dhe dhimbjet e tua. Dhe Ai e di mirë se çfarë të duhet që të jesh plotësisht i përmbushur dhe i plotë dhe ti mund të kesh sigurinë që Ai po punon në ty për sa kohë ti je duke e kërkuar Atë.
Unë kam katër fëmijë të cilët janë të gjithë shumë të ndryshëm dhe unë nuk pres që të jenë ndryshe nga çfarë janë. Unë kam mësuar se Perëndia është i njëjtë me ne. Ji vetvetja, gëzohu me atë që je dhe kënaqu me nivelin e rritjes frymërore që
ke arritur deri tani.
FJALA E PERËNDISË PËR SOT: Kënaquni aty ku jeni në rrugën drejt vendit ku po shkoni.