Me shpirtin tim të dëshiroj natën, po, me frymën që është brenda meje të kërkoj në mëngjes herët; sepse kur shfaqen gjykimet e tua mbi tokë, banorët e botës mësojnë drejtësinë. (ISAIA 26:9)
Bota e bën të lehtë për ne që të mbushim veshët tanë me të gjitha llojet e gjërave që e mbysin zërin e Perëndisë dhe e largojnë atë shumë nga jeta jonë. Megjithatë, për çdo person vjen dita kur mbetet vetëm Perëndia. Çdo gjë tjetër në jetë largohet përfundimisht; kur kjo ndodh Perëndia është ende aty.
Bibla na mëson që çfarë është e njohur për Perëndinë është e dukshme për të gjithë sepse Ai e ka bërë Veten e Tij të njohur në ndërgjegjen e brendshme të njerëzimit ( shih Romakëve 1:19-21). Çdo person një ditë do të qëndrojë përpara Atij dhe do të japë llogari për jetën e tij ose të saj ( shih Romakëve 14:12). Kur njerëzit nuk duan t’i shërbejnë Perëndisë me jetën e tyre, kur duan të shkojnë në rrugën e tyre, ata gjejnë mënyra për t’u fshehur dhe injoruar këtë njohuri instinktive të Krijuesit të tyre, i cili dëshiron t’u flasë atyre dhe t’i udhëzojë rrugën që ata duhet të shkojnë.
E vërteta është se pavarësisht nëse njerëzit përpiqen të fshihen prej Perëndisë apo jo, asgjë nuk e kënaq dëshirën tonë për Të përveç komunikimit dhe miqësisë me Të. Edhe kur njerëzit përpiqen ta injorojnë Perëndinë, thellë brenda tyre do të donin të dëgjonin zërin e Tij.
Ju inkurajoj të kënaqni dëshirën tuaj për Perëndinë duke kaluar kohë me Të, duke u ulur në praninë e Tij dhe duke dëgjuar zërin e Tij.
FJALA E PERËNDISË PËR SOT: Jetoni jetën tuaj në mënyrë të tillë që të mos keni frikë të qëndroni përpara Perëndisë kur jeta juaj në këtë tokë të përfundojë.