Prandaj nuk do ta mbaj gojën të mbyllur do të flas në ankthin e frymës time; do të ankohem në hidhërimin e shpirtit tim. JOBI 7:11
Ashtu si Jobi, shumë njerëz kanë probleme me fajësimin e Perëndisë për problemet e tyre. Ata janë të zemëruar me Zotin! Ata që nuk e kanë përjetuar kurrë atë ndjenjë mund të mos e kuptojnë. Por ata që e kanë përjetuar e dinë se çfarë do të thotë të ndiesh armiqësi ndaj Perëndisë, sepse e fajësojnë Atë që nuk u ka ofruar atyre diçka të rëndësishme në jetën e tyre. Gjërat nuk kanë ecur ashtu siç i kishin planifikuar. Ata besojnë se Perëndia mund t’i kishte ndryshuar gjërat nëse do të kishte dashur, por meqë nuk e bëri, ata ndihen të zhgënjyer dhe e fajësojnë Atë për situatën e tyre.
Nëse ju po mbani një qëndrim të tillë, duhet të kuptoni që është e pamundur të keni miqësi të ngushtë me dikë që jeni të zemëruar. Perëndia është Ai që mund t’ju ndihmojë, ndaj e vetmja përgjigje është të lësh inatin të shkojë. Kur jeni të zhgënjyer me jetën, vraponi tek Perëndia, jo larg tij.
Shpesh ne mendojmë se nëse do të dinim pse na ndodhin disa gjëra, do të ishim të kënaqur. Unë besoj se Perëndia na tregon gjërat që vërtetë duhet të dimë, ato që ne jemi përgatitur të mbajmë, dhe që nuk do të na lëndojnë por në fakt do të na ndihmojnë. Me ndihmën e Zotit, ne mund të mësojmë të heqim dorë dhe të mos përpiqemi të kuptojmë gjithçka në jetë.
Duhet të vijë një kohë kur ne të ndalojmë së jetuari në të kaluarën dhe të mos pyesim pse. Në vend të kësaj, ne mund të mësojmë ta lëmë Zotin t’i kthejë plagët tona në yje.