Zoti është i mirë me ata që kanë shpresë tek ai, me shpirtin që e kërkon. (VAJTIMET 3:25)
Pasi të lutemi dhe t’i kërkojmë Perëndisë atë që kemi nevojë ose dëshirojmë, duhet të qëndrojmë në pritje. Ne duhet të jemi plot shpresë, që është pritje e gëzueshme dhe e sigurt se do të ndodhë diçka e mirë. Pas vitesh që isha e zhgënjyer në fëmijërinë time dhe në vitet e hershme të të rriturit, unë zhvillova ato që Bibla i quan parandjenja të liga (shih Fjalët e Urta 15:15). Kjo do të thotë se prisja lajme të këqija shumicën e kohës. Besoj se shumë njerëz janë kapur në grackën e frikës për të pritur diçka të mirë, sepse nuk duan të zhgënjehen përsëri. Perëndia dëshiron që të gjithë të presin në mënyrë agresive gjëra të mira prej Tij, sepse Ai është i mirë.
As mos ji pasiv. Një person pasiv është dikush që dëshiron t’i ndodhin gjëra të mira dhe nuk bëjnë asgjë por vetëm presin se çfarë do të ndodhë. Gjithashtu vargu për sot na thotë neve të shpresojmë dhe të presim. Më pëlqen t’i shpall vargjet me zë të lartë ndërsa pres Perëndinë të punojë. Ato më kujtojnë mua premtimet e Tij, dhe më mbajnë të inkurajuar. Fjala e Perëndisë është e mbushur me fuqi krijuese dhe kur e flasim me besim është e barabartë me mbjelljen e një fare që do të sjellë të korra.
Nëse je lutur dhe e gjen veten duke pritur më gjatë se sa e keni planifikuar për një përgjigje, falënderoni Perëndinë që Ai po punon ndërsa jeni të tunduar dhe pa durim. Tregojini Perëndisë çfarë jeni duke pritur dhe prit me ngulm për depërtimin tënd. Mos bjer në kurthin e ankimit dhe murmuritjes ndërsa je duke pritur. Ji plot gëzim dhe në siguri që përgjigja jote po vjen.
FJALA E PERËNDISË PËR SOT: Mos u dekurajoni. Perëndia po punon dhe ju do t’i shihni rezultatet së shpejti.