dashuria e Perëndisë është më e madhe

As lartësitë, as thellësitë, as ndonjë tjetër krijesë, nuk do të mund të na ndajë nga dashuria e Perëndisë që është në Jezu Krishtin, Zotin tonë. – Romakëve 8:39

Abuzim do të thotë “keqpërdorim, dëmtim nga keqpërdorimi.” Efektet e abuzimit mund të jenë shkatërruese dhe të zgjatura në kohë. Shumë njerëz nuk e marrin dot më veten.

Ka lloje të ndryshme abuzimi: seksual, emocional, verbal, fizik. Sido që të jetë forma, rezultatet janë të tmerrshme. Ju pengon të funksiononi ashtu si duhet dhe ju pengon të merrni dashurinë e Perëndisë dhe të përjetoni drejtësinë, paqen dhe gëzimin e mbretërisë së Tij.

E kuptoj këtë sepse jam abuzuar përgjatë fëmijërisë time. Fatmirësisht, unë nuk di vetëm fuqinë e abuzimit, por di edhe fuqinë e madhe të Perëndisë. Për shkak të dashurisë së Perëndisë, e shkuara ime nuk ndikon më të ardhmen time.

Nëse keni qënë të abuzuar, kuptoni dashurinë e Perëndisë sot. Asgjë nuk mund t’ju ndajë nga dashuria e Tij. Ai ka bërë një rrugë për ju që të jeni të çliruar nga e shkuara juaj dhe të jetoni në planin e mirë të Perëndisë për ju.

Me Jezusin, ka shpresë për risinë e jetës. A do të merrni dashurinë e Tij sot?

Lutje

Perëndi, unë nuk dua të lejoj asgjë nga e shkuara ime që të më largojë nga planet dhe qëllimi Yt për jetën time. Më mbush me dashurinë Tënde sot që unë të përjetoj shërimin dhe lirinë nga abuzimi.

Facebook icon Twitter icon Instagram icon Pinterest icon Google+ icon YouTube icon LinkedIn icon Contact icon