Dhe mos e trishtoni Frymën e Shenjtë të Perëndisë (mos e ofendoni, mos e shqetësoni apo trishtoni Atë) , me të cilin u vulosët (u shënuat, të quajtur si të Zotit, u siguruat) për ditën e shpengimit. (EFESIANËVE 4:30)
Vargu i sotëm, në kontekstin e vargjeve që e rrethojnë, na mëson që mënyra se si i trajtojmë marrëdhëniet tona është e rëndësishme për Perëndinë. Duke i trajtuar keq është një mënyrë se si ne e trishtojmë Frymën e Shenjtë.
Shumë herë ne zhvillojmë një zakon të keqtrajtimit të njerëzve që kemi pranë, veçanërisht kur nuk ndihemi mirë, nuk kemi fjetur mjaftueshëm, nuk kemi patur një ditë të mirë, kemi marrë lajme të këqija, ose vuajmë nga një zhgënjim. Por Perëndia dëshiron që ne ta trajtojmë mirë njëri-tjetrin gjatë të gjithë kohës, jo vetëm kur ndihemi mirë.
Dikur e pyeta veten pse sillesha keq me bashkëshortin tim ose me fëmijët e mi, por jo me njerëzit e tjerë. Fryma e Shenjtë menjëherë më tregoi që unë i kontrolloja emocionet negative dhe qëndrimet e mia kur isha me njerëz të tjerë për t’u lënë përshtypje të mirë. Por kur isha me familjen time, me të cilët kisha tashmë marrëdhënie, merrja lirinë që qartësisht tregonte karakterin tim dhe pjekurinë time frymërore. E kisha bindur veten se me të vërtetë nuk mund ta ndihmoja veten, se kur bëhesha e mërzitur ose e vështirë, thjesht nuk mund ta disiplinoja veten. U ndjeva aq e frustruar sa dukej sikur do të shpërtheja.
Kur mërzitesha për vështirësitë financiare, diçka në punë, ose diçka e parëndësishme në shtëpi, e shkarkoja lodhjen time tek familja ime. Shumicën e kohës isha e inatosur dhe i trajtoja njerëzit shumë keq për shkak të gjërave të pazgjidhura brenda meje, jo për shkak të asaj që ndodhte. Perëndia më ndihmoi të përballem me të vërtetën dhe jam mirënjohëse që jam e çliruar.
Marrëdhëniet janë disa nga asetet tona më të mëdha, dhe Perëndia dëshiron që ne t’i vlerësojmë ato. Fryma e Shenjtë na ndihmon të trajtojmë lodhjen tonë në mënyrën e duhur nëse shkojmë tek Ai me zemër të hapur, gati për t’u përballur me çdo të vërtetë që Ai na tregon.
FJALA E PERËNDISË PËR SOT: Mos lejo që të tjerët të paguajnë lidhjen tënde të brendshme.