Tërë shkëlqim është e bija e mbretit përbrenda; rrobat e saj janë të qëndisura me ar. (PSALMI 45:13)
Gjatë sezonit të Krishtlindjes, vitrinat e dyqaneve shpesh shfaqin dhurata të ndritshme, me shkëlqim me harqe të lidhura në mënyrë perfekte. Këto dhurata mund të duken të dëshirueshme, por nëse do t’i hapnim ato, nuk do të gjenim asgjë brenda. Ata janë bosh, vetëm për “zbukurim”. Jeta jonë mund të jetë në të njëjtën mënyrë, si pako të mbështjellura bukur, pa asgjë me vlerë brenda. Nga jashtë, jeta jonë mund të duket tërheqëse apo edhe e lakmueshme për të tjerët, por nga brenda mund të jemi të thatë dhe bosh. Ne mund të dukemi shpirtërorë nga jashtë, por të jemi të pafuqishëm brenda nëse nuk lejojmë që Fryma e Shenjtë të bëjë banesën e Tij në zemrat tona.
Vargu për sot thekson rëndësinë e jetës së brendshme. Perëndia e vendos Frymën e Shenjtë brenda nesh për të punuar në jetën tonë të brendshme – qëndrimet tona, përgjigjet tona, motivimet tona, përparësitë tona dhe gjëra të tjera të rëndësishme. Ndërsa i nënshtrohemi Sundimit të Krishtit në qeniet tona më të thella, do ta ndiejmë kur Ai po na flet dhe do të provojmë drejtësinë, paqen dhe gëzimin e Tij duke u ngritur nga brenda nesh për të na fuqizuar për një jetë me bollëk (shih Romakëve 14:17).
Fryma e Shenjtë jeton brenda nesh për të na bërë gjithnjë e më shumë si Krishti dhe për të na mbushur me praninë dhe udhëheqjen e Tij, kështu që ne do të kemi diçka për të ndarë me të tjerët, diçka që vjen nga thellësia e thelbit të qenies sonë dhe është e vlefshme, e fuqishme , dhe jetëdhënëse për të gjithë ata me të cilët bashkëveprojmë.
FJALA E PERËNDISË PËR SOT: Përqëndrohu më shumë në jetën tënde të brendshme se sa në jetën tënde të jashtme.