Dhe Zoti tha: «A do t’ia fsheh unë Abrahamit [mikut dhe shërbëtorit Tim] atë që kam për të bërë, (ZANAFILLA 18:17)
Ndoshta askush nuk quhet më shpesh si “miku i Zotit” sesa Abrahami. Ndërsa Bi‑ bla e quan Davidin si “ njeriu sipas zemrës së Perëndisë” dhe Gjonin si “dishepulli që Jezusi e donte,” Abrahami ka nderin e veçantë të quhet miku i Perëndisë në më shumë se një vend në Shkrim.
Kur Perëndia vendos të ekzekutojë gjykimin mbi ligësinë e popullit të Sodomos dhe Gomorrës, Ai i tha Abrahamit çfarë kishte planifikuar të bënte.
Në një miqësi, njerëzit i thonë njëri tjetrit se çfarë do të bëjnë. Për shkak se Perëndia e konsideronte Abrahamin si mikun e Tij, i tregoi Atij se çfarë do të bënte – njësoi siç i tregon ti miqve të tu se çfarë do të bësh. Kur Abrahami dëgjoi për shkatërrimin që Perëndia synonte të çlironte kundër Sodomës dhe Gomorrës, ai “ iu afrua dhe i tha ‘Do të zhdukësh të drejtin së bashku me të paudhin?’” (Zanafilla 18:23). Ashtu si Zoti i kishte ndarë planet e Tij me Abrahamin sepse ata ishin miq, Abrahami “iu afrua” Perëndisë dhe foli hapur dhe me guxim për planet e Tij ‑ sepse ata ishin miq. Ata kishin një marrëdhënie në të cilën mund të komunikonin lirisht; ata mund të flisnin hapur. Marrëdhënia e ngushtë që Abrahami kishte me Perëndinë vjen nga të qenit i sigurtë në dashurinë e Tij.
Perëndia dëshiron të jetë miku yt gjithashtu – të t’flasë ty dhe të dëgjojë atë që ti do t’i thuash. Fillo sot të pranosh në një mënyrë të re faktin që ti je miku i Perëndisë dhe mund ti afrohesh Atij si i tillë .
FJALA E PERËNDISË PËR SOT: Zhvilloni një marrëdhënie me Perëndinë në të cilën mund t’i flisni lirisht Atij dhe mund të dëgjoni lehtësisht çfarë Ai do t’ju flasë.