Sepse ju keni nevojë për durim që, mbasi të bëni vullnetin e Perëndisë, të merrni gjërat e premtuara. hebrenjve 10:36
Ka shumë të krishterë të pakënaqur dhe të paplotësuar në botë thjesht sepse janë të zënë duke u përpjekur të bëjnë diçka të ndodhë, në vend që të presin me durim që Perëndia t’i sjellë gjërat në kohën e Tij dhe në mënyrën e Tij. Ne jemi me nxitim, por Zoti nuk është.
Përulësia thotë, “Zoti e di më mirë, dhe Ai nuk do të vonojë!” Krenaria thotë, “ Jam gati tani. Unë do t’i bëj gjërat të ndodhin në mënyrën time.” Një burrë i përulur pret me durim; ai në të vërtetë ka një “frikë nderuese” që të ecë në mishin e tij. Durimi është aftësia për të ruajtur një qëndrim të mirë ndërsa presim. Por një njeri krenar provon njërën pas tjetrës, pa dobi. Krenaria është në rrënjë të padurimi.
Durimi është frut i Frymës së Shenjtë që e manifeston veten në qetësi, në qëndrim pozitiv pavarësisht rrethanave të jetës tonë. Mos mendoni se mund t’i zgjidhni të gjitha problemet tuaja ose të kapërceni vështirësitë me forcat tuaja. Kur ne e përulim veten në dorën e fuqishme të Perëndisë, ne fillojmë të vdesim për rrugën tonë dhe për kohën tonë, dhe bëhemi të gjallë për vullnetin e Perëndisë dhe rrugën e Tij për ne.
Vetëm përmes durimit dhe qëndrimit në besim ne i marrim premtimet e Perëndisë.