Pendohuni (ndryshoni mendjen dhe qëllimin), pra, dhe kthehuni [tek Perëndia], që të shlyhen mëkatet tuaja (të fshihen, zhduken) dhe që të vijë koha e flladit nga prania e Zotit, (VEPRAT 3:19)
Perëndia e manifeston praninë e Tij në shumë mënyra. Shumicën e kohës ne nuk mund ta shohim Atë, por, si era, ne mund të shohim punën që Ai bën në ne. Nëse jam e lodhur, e rraskapitur ose e shqetësuar për diçka, dhe rifreskohem duke kaluar kohë me Perëndinë, atëherë e di se flladi i Frymës së Shenjtë ka fryrë mbi mua.
Perëndia dëshiron të sjellë rifreskim në jetën tënde. Mos u lodh dhe as mos u rraskapit në shpirtin tënd kur përgjigja jeton brenda teje. Ti je shumë i zënë për të kaluar kohë me Perëndinë, thjesht je shumë i zënë, ndaj bëj disa ndryshime në orarin tënd. Mos u konsumo, mos u mërzit, mos u rraskapit dhe mos u streso sepse kohët e flladit janë të disponueshme për ty.
Mëso të dalësh nga ngarkesa e jetës për të kaluar kohë me Perëndinë ashtu si Jezusi bëri. Ju nuk mund të prisni që njerëzit përreth jush të miratojnë kohën që ju nevojitet për të kaluar me Perëndinë. Dikush do të gjejë gjithmonë diçka që ata mendojnë se ju duhet të bëni! Lëreni kohën me Zotin gjënë e parë që do bëni në mëngjes nëse është e mundur dhe më pas provoni të bëni disa “mini pushime shpirtërore” gjatë gjithë ditës. Ndaloni atë që po bëni për dy ose tre minuta; merrni frymë thellë për t’ju ndihmuar të qetësoheni dhe thjesht i tregoni Zotit se sa e doni dhe keni nevojë për Të. Qëndroni të qetë në praninë e Tij për pjesën e mbetur të kohës dhe do të freskoheni në një mënyrë të mahnitshme.
FJALA E PERËNDISË PËR SOT: Mos u konsumo ose streso; merr kohë të rifreskohesh në prezencën e Zotit.