Maana wale aliowajua tangu asili, aliwachagua tangu asili wafananishwe na mfano wa Mwana wake, ili yeye awe mzaliwa wa kwanza miongoni mwa ndugu wengi. Warumi 8:29
Yesu alikuja duniani kuwa dhabihu kamilifu, isiyo na dhambi kwa ajili yetu kwa sababu hatukuwa na uwezo wa kuwa wakamilifu katika ulimwengu wa asili. Kwa sababu ya sadaka yake, tunaweza kuwa zaidi kama Yesu kila siku. Na tunapokea urithi wetu wa kiroho tunapoishi kama Yesu alivyoishi.
Sasa, kuishi kwa uadilifu kama Yesu haitokei mara moja tu, na sisi sote tutashindwa. Baada ya yote, ikiwa tulikuwa wakamilifu, hatukuhitaji Mwokozi! Hata hivyo, tunapaswa kutamani ndani ya mioyo yetu kutimiza na kufurahia urithi wetu wa kiroho. Pia tunapaswa kujifunza kumtumaini Mungu, tukijua kwamba atatuendeleza sisi kuwa mfano wa Mwanawe, Yesu Kristo.
Waefeso 1: 11-12 inasema, Katika Yeye sisi … tulipata urithi …
Kwa hiyo sisi ambao tulikuwa tumemtumainia Kristo kwanza (ambao kwanza walimwamini Yeye wamekusudiwa na kuteuliwa) kuishi kwa ajili ya sifa ya utukufu wake!
Una urithi, na Mungu anataka uishi na hisia ya amani na usalama ambayo huja kutokana na kujua wewe ni nani na wewe ni wa nani.
Je, utamwamini Mungu na kumruhusu akugeuze kila siku, kukufanya uwe zaidi na zaidi kama Mwana Wake?
OMBI LA KUANZA SIKU
Mungu, asante kwa urithi wangu wa kiroho ndani ya Yesu. Ninakuamini Wewe, nikijua kwamba Unaweza kuniumba katika sura ya Mwana wako, siku moja kwa wakati.