Si kwamba nasema haya kwa kuwa nina mahitaji; maana nimejifunza kuwa radhi na hali yoyote niliyo nayo. Najua kudhiliwa, tena najua kufanikiwa, katika hali yoyote na katika mambo yoyote, nimefundishwa kushiba na kuona njaa, kuwa na vingi na kupungukiwa (WAFILIPI 4:11-12)
Huwa tunakuwa na hiari ya kumfuata Roho Mtakatifu kila mara hadi katika baraka, lakini tunaweza kuwa “wagumu wa kusikia” iwapo uongozi wake unamaanisha hatutapata tunachopata.
Baada ya kubadilika kwake na ubatizo katika Roho Mtakatifu, Paulo alisikia kutoka kwa Roho kuhusu baadhi ya matatizo ambayo atahitajiwa kuvumilia (soma Matendo ya Mitume). Paulo alipitia katika hali nyingi ngumu, lakini alikuwa abarikiwe pia katika maisha yake. Aliandika sehemu kubwa ya Agano Jipya, kwa ufunuo wa kiungu. Aliona maono, kutembelewa na malaika, na vitu vingine vya ajabu. Alilazimika pia kufuata uongozi wa Roho Mtakatifu vitu vilipokuwa si vizuri. Alisikia na kutii sauti ya Mungu hata ikiwa hali ni nzuri au isiwe nzuri, hali ikiwa tulivu au isiwe tulivu hata akinufaika wala kutonufaika.
Katika maandiko ya leo, Paulo aliandika kuwa alikuwa ameridhika, hata kama alikuwa akifurahia baraka au kukabiliana na hali ngumu. Katika andiko lifuatalo, alitangaza kwamba anaweza kufanya kila kitu ndani ya Kristo, amtiaye nguvu. Alitiwa nguvu nyakati zilipokuwa njema, ili kuzifurahia na kuwa na nia nzuri, na hata kwa nyakati ngumu, ili kuzivumilia na kuwa na nia inayofaa katika hali hiyo pia.
Roho Mtakatifu hutuongoza wakati nyakati ni nzuri na nyakati zikiwa ngumu. Tunaweza kumtegemea licha ya kile kinachofanyika katika maisha yetu.
NENO LA MUNGU KWAKO LEO:
Mungu ni yuleyule, haijalishi jinsi hali zetu zilivyo, na anastahili sifa na shukrani kila mara.